Topaz Premyer Liqasının 3-cü turunun mərkəzi qarşılaşmasında
“Xəzər Lənkəran”ı qəbul edən “Qarabağ” rəqibini 2-0 hesabı ilə məğlub etdib.
Korner.az-ın məlumatına görə, oyundan sonra mətbuat
konfransında meydan sahiblərinin baş məşqçisi “Xəzər Lənkəran”ın çox yaxşı
komanda olduğunu bildirib:
“Çox yaxşı komandaya qarşı oynadıq. İlk dəqiqələrdə topla
yaxşı davrana bilmədik, dəqiqələr keçdikcə öz oyunumuzu tapdıq. “Xəzər Lənkəran”
ilk üçlükdə olmalı komandadır. Yeni hücumçunun gəlməsi ilə “Xəzər Lənkəran”
güclənib. Fikrimcə, “Xəzər Lənkəran”a yalnız qələbə çatışmır”.