Ramiz Məmmədov: "Qarabağ" yaxşı təsir bağışlamasa da, qələbə qazandı".
Topaz Premyer Liqasının 24-cü turunda “Qarabağ” azarkeşsiz keçirilən oyunda “Qəbələ”ni 1-0 hesabı ilə məğlub edərək turnir cədvəlinin 3-cü pilləsində möhkəmləndi.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Ramiz Məmmədov, “Qəbələ” klubunun baş məşqçisi: “Ceyhun Sultanovun zədələnməsi komandanın bütün planlarını pozdu. "Qarabağ" yaxşı təsir bağışlamasa da, qələbə qazandı. Almeyda cərimə zərbəsindən gözəl qol vurdu və bu da oyunun taleyini həll etdi. Gələcək oyunlara baxacağıq”.
Qurban Qurbanov, “Qarabağ” klubunun baş məşqçisi: “”Qəbələ” yüksək göstəriciləri ilə fərqlənir. Oyunumuz pis alınmadı. Bu oyunu yaddan çıxarıb, gələn oyunlara baxmalıyıq. Hələ heç nə bitməyib. Qarşıda çox çətin matçlarımız var . Getdikcə yeni transferlərdən istifadə etməyə başlamışam. Aldığımız oyunçular meydanda idi. Təkcə Subaşiç oynamırdı. Qışda etdiyimiz transferlərdən ən yaxşısı Oparadır”.
