Topaz Premyer Liqasının 24-cü turunda “Sumqayıt” doğma meydanda “Kəpəz”i 1-0 hesabı ilə məğlub edərək növbəti üç xalı aktivinə yazdı.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Mahmud Qurbanov, “Kəpəz” klubunun baş məşqçisi: “Hər iki komandanın heyətində itkilər var idi. Firkrimcə, maraqlı oyunun şahidi olduq. Bir çox imkanları oldu. Təəssüf ki, həlledici qolu penaltidən buraxdıq. Komanda məğlub olsa da, oyundan narazı deyiləm. Fərid Quliyevin fərqlənmək üçün imkanı var idi. Lakin qol vura bilmədi”.
Bernhard Raab, “Sumqayıt” klubunun baş məşqçisi: “Komandanın oyunundan razı qaldım. Oyuna həyacanlı başladıq, xüsusilə ilk hissədə hesabı açmaq üçün şanslarımız oldu. Penaltidən vurduğumuz qoldan sonra da hesabı artıra bilərdik. 1-0 həmişə təhlükəli hesabdır. Lakin biz bu gün daha şanslı idik, qələbəyə daha layiq idik. Əsas oyunçular olmayanda çətin olur. Son 3 oyunda 7 xal eldə etmişik”.
