“Qarabağ” klubunun baş məşqçisi Qurban Qurbanov “Ayntraxt”la sabahkı oyun öncəsi öz fikirlərini bölüşüb.
Korner.az-ın məlumatına görə, baş məşqçi bunları deyib:
“Sabah bizi çox mühüm oyun gözləyir. Mətbuatı oxuyuram, bizə inanırlar. Rəqib çox güclü olsa da, bu dəstək və inam bizə güc verir.
Maksimal səviyyədə haırlaşmağa çalışırıq. Ola bilsin ki sabah hazırkı Avropa Liqasında son oyun olacaq. Lakin ola da bilər ki, biz qrup mərhələsinə düşək.
Azarkeşləri sevindirməyə çalışacağıq. Əvvəldən sonadək mübarizə aparacağıq.
Mənə elə əlir ki, Armin Fe bizim oyunumuzu hələ tam öyrənmədiklərini deməklə yalan danışır. Onların məşqçisi “Xəzər Lənkəran”la oyunumuzu canlı izləyib və futbolçuları hətta üzdən tanıyırlar.
Ola bilər ki “Antraxt” futbolçuları gərgin qrafik səbəblilə tam məlumatlanmayıblar. lakin məşqçi heyəti bizim haqqımızda hər şeyi bilir.
“Ayntraxt”ın iki oyun sxemi var. Və bu bizim üçün sürpriz ola bilər. Sabah qol vurmaq və qapımızdan top buraxmamaq istəyirik. İndi bütün fikirlər ilk oyunla bağlıdır. Amma bilirəm ki, “Ayntraxt hər şeyi Frankfurtda həll etməyi düşünür”.
Reynaldonu həm Muarrem Muarrem, həm də Vüqar Nadirov əvəz edə bilər. Sabah səhər məşqdən sonra müəyyənləşdirəcəyik”.
