Bütün dünya müsəlmanları Qurban bayramını qeyd edir.
Korner.az-ın məlumatına görə, bütün dünya müsəlmanları hazırda ən müqəddəs bayramlardan biri hesab edilən Qurban bayramını böyük coşqu ilə qeyd edir.
İslam dininin ən vacib sayılan fərzlərindən biri, onun təbliği və özünəməxsusluğunu nümayiş etdirən ayinləri sırasında Qurban bayramı adlanan dini mərasim müsəlmanlar arasında geniş yayılan ayinlərdəndir.
Üç səmavi dinin-yəhudilik, xristianlıq və İslamın hər üçündə müxtəlif formada qurbanlıq mövcuddur. Lakin İslamda bu ayin xüsusi mahiyyət və əhəmiyyət kəsb edir. Onun əsasında Allaha sonsuz sevgi, Onun qüdrətinə dərin inam və iman işığı durur.
Korner.az kollektivi olaraq, bütün həmvətənlərimizin Qurban bayramını təbrik edirik. Allah kəsdiyiniz qurbanları, etdiyiniz ibadətləri qəbul etsin.
