"Qızıl top 2012"-yə iddia edən üç futbolçunun adı müəyyənləşib.
Korner.az-ın məlumatına görə, bu gün Braziliyanın San-Paulu şəhərində təşkil edilən tədbirdə üç finalçının kimliyinə aydınlıq gəlib.
Bunlar İniyesta, Messi (hər ikisi "Barselona") və Ronaldodu ("Real").
Dünyanın ən yaxşı futbolçusu yığma komandaların baş məşqçiləri və kapitanları, habelə jurnalistlərin səsverməsi nəticəsində bəlli olacaq. Qalibin adı yanvarın 7-də elan ediləcək.
Qeyd edək ki, Messi bu mükafata üç dəfə (2009, 2010, 2011) sahib çıxdığı halda, Ronalda yalnız bir dəfə (2008) "Qızıl top"un qalibi olub.