Avropa Liqasında mübarizə aparan “Qarabağ”ın növbəti mərhələdəki rəqibi Polşa “Pyast”ının məşqçisi dünyaca məşhur qapıçının qardaşı imiş.
Korner.az-ın məlumatına görə, Polşa krallığı tarixində ən tanınmış sülalənin (Pyast) adını daşıyan klubun baş məşqçi köməkçisi Dariuş Dudek “Liverpul” və Madrid “Real”ının şərəfini qorumuş İrji Dudekin qardaşıdı.
Ancaq İrjidən fərqli olaraq, Dariuş ampluaca qapıçı yox, müdafiəçi olub. Karyerası ərzində yalnız vətəni Polşada oynayıb. Milli komandanın forması üzünə həsrət qalan müdafiəçi 2009-cu ildə – 34 yaşında karyerasını bitirib və elə həmin ildən “Pyast”ın hazırkı baş məşqçisi Marsin Broşun köməkçisi kimi fəaliyyət göstərir.
