Dünən Avroliqanın I təsnifat mərhələsi çərçivəsində Skopyedə “Metallurq”la qarşılaşan “Qarabağ”ın futbolçusu Leroy Corc irqçiliklə üzləşib.
Korner.az-ın məlumatına görə, «Filip II» stadionunda baş tutan oyunda Corc 84-cü dəqiqədə meydana çıxıb. Azarkeşlər isə qara dərili futbolçunun hər topa toxunuşu zamanı meymun səsləri çıxararaq, ona qarşı irqçilik ediblər.
Məhz irqçiliyə görə UEFA-nın “Metallurq”a ağır cəzə verəcəyi gözlənilir. Çünki ali futbol qurumları bir müddət əvvəl irqçilik üçün nəzərdə tutulan cəzaları sərtləşdirib.Hətta buna görə klublara texniki məğlubiyyətin verilməsi də mümkündür.
