“Qarabağ”ın 80-ci böyükhesablı ev qələbəsi
04.04.2022 , 12:34
“Qarabağ” Azərbaycan çempionatlarında 80-ci böyükhesablı ev qələbəsini qazanıb.
Korner.az xəbər verir ki, Premyer Liqanın XXI turuna təsadüf edib. Yarışın lideri öz meydanında “Səbail”ə 5:1 hesabı ilə qalib gəlib. Peşəkar Futbol Liqasının saytının yazdığına görə, ağdamlılar 1992-ci ildən təşkil olunan yarışda bunadək 79 ev görüşündə 3 və ya daha çox top fərqi ilə qələbə qazanmışdı.
“Qarabağ”ın evdəki ilk belə qələbəsi 1992-ci ilə təsadüf edib. Mayın 6-da keçirilən II turun görüşündə ağdamlılar Kürdəmir “Şirvan”ını 6 cavabsız qolla məğlubiyyətə uğradıb.
Qeyd edək ki, ötən tur “Zirə”ni rəqib meydanında 3:0 hesabı ilə məğlub edən “Qarabağ” səfərdə 40-cı dəfə böyükhesablı qələbəyə sevinib.
