UEFA Çempionlar Liqasının III təsnifat mərhələsinin ilk görüşü çərçivəsində keçiriləcək “Seltik” -“Qarabağ” matçı üçün bilet satışı davam edir.
Korner.az-ın məlumatına görə, satışa çıxarılan biletlərin 35 mini artıq azarkeşlər tərəfindən alınıb.
Şotlandiya klubunun azarleşlərinin 60 minlik “Seltik Park” arenasını dolduracağı gözlənilir.
Oyuna ən bahalı bilet 22 funt sterlinqdir (təxminən 36 manat). 13 yaşadək uşaqlar üçün biletlər 7 funt sterlinq (11 manat), 16 yaşadək olanlar və 65 yaşdan yuxarı insanlar üçün isə 12 funt sterlinq (19 manat) təşkil edir. Mövsümlük abunəlik kartı olan azarkeşlər üçün isə bu oyun cəmi 2 funt sterlinqdir (3 manat).
Qeyd edək ki, “Seltik”- “Qarabağ” oyunu sabah Bakı vaxtıilə saat 23:45-də Şotlandiyada başlayacaq.
