Avroliqanın qrup mərhələsinin bir addımlığında olan "Qarabağ"ın yerli çempionatda işləri heç də yaxşı getmir.
Korner.az-ın məlumatına görə, ağdamlıların budəfəki rəqibi ölkə çempionatına yüksək səviyyədə hazırlaşan Bakı "İnter"idir. İlk oyunda "Qəbələ"ni 4:0 hesabı ilə məğlub edən Sxadadzenin yetirmələri, "Tvente" ilə qarşılaşmanı düşünən "Qarabağ"la oyunda necə oyun göstərəcəyi maraqla gözlənilir.
Matçın favoriti "Qarabağ" sayıla bilərdi. Əgər ağdamlıların "Tvente" ilə pley-off matçı olmasaydı. Qurban Qurbanov bu dəfə ehtiyat oyunçuların bəzilərinə şans verəcəyi gözənilir. Çünki, Əfran İsmayılovun zədələnməsi mütəxəssis üçün "dərs" olmuşdu. Üstəlik, iki cinah müdafiəçisi olan Maksiv və İlqarın yoxluğunda fərqli oyun sistemini sınaqdan çıxarmaq məcburiyyətində olan Qurban Qurbanovun meydana hansı taktika ilə çıxacağı maraqlıdı.
