“Qarabağ” “Xəzər Lənkəran”la oyunun hazırlıqlarına start verib. Korner.az-ın klubun rəsmi saytına istinadən veridiyi məlumata görə, Premyer Liqanın 10-cu turunda Lənkərana yollanacaq Ağdam klubu bu gün bir araya gəlib.
Günün ilk çalışması üçün bazaya yığışan komanda Suraxanı qəsəbə stadionuna yollanıb. “Bakı”yla oyundan sonra komandaya istirahət verən Qurban Qurbanovun planında 2-ci məşq 16:30-a nəzərdə tutulub. “Qarabağ” 2-ci məşqi də eyni məkanda keçəcək. Komandada zədə səbəbindən Rəşad Sadıqov, Namiq Yusifov komandadan ayrı düşüb. Əfran İsmayılov fərdi şəkildə məşqlərə başlayıb. Mustafa Afroto isə tamamilə sağalıb və kollektiv çalışmalarada iştirak edir.