Nə baş verdiyini anlaya bilmirik. “Qarabağ”la oyunda sadəcə, aciz vəziyyətə düşmüşdük”.
Korner.az-ın məlumatına görə, bunu “Yanq Boyz”un kapitanı Stiv von Bergen deyib.
UEFA Avropa Liqasının pley-off məhələsi çərçivəsində “Qarabağ”ı qəbul edən İsveçrə təmsilçisi öz meydançasında 0:1 hesablı məğlubiyyətə düçar olub.
İsveçrə millisinin mərkəz müdafiəçisi yerli mətbuata açıqlamasında hələ də qrupa düşmək şanslarının qaldığını bildirib: "Meydançada sanki nəfəsimiz çatmırdı. Köməksiz görünürdük. Ancaq dərhal toplarlanmalıyıq. Cütün taleyi hələ həll olunmayıb. Düzdü, cavab görüşünə çox az vaxt qalıb. Amma hər şey özümüzdən asılıdı. Məncə, Bakıda qələbə qazanıb, mərhələ adlaya bilərik”.
Qeyd edək ki, “Qarabağ” – “Yanq Boyz” oyunu avqustun 27-də Bakıda keçiriləcək. (apasport)