“Qarabağ” – “Molde” matçının hakimləri açıqlandı
19.09.2023 , 10:24
UEFA Avropa Liqasının qrup mərhələsinin ilk turunda keçiriləcək “Qarabağ” – “Molde” (Norveç) oyununun hakimləri bəlli olub.
Korner.az xəbər verir ki, qarşılaşmanı Şotlandiyadan olan hakimlər briqadası idarə edəcək.
Con Biton görüşün baş hakimi olacaq. Ona yan xətdə Daniel Makfarlan və Duqlas Potter kömək edəcək. Dördüncü hakim funksiyasını isə Metyu Makdermid yerinə yetirəcək.
Sentyabrın 21-də Tofiq Bəhramov adına Respublika stadionunda keçiriləcək görüş saat 20:45-də başlayacaq.
