“Qalatasaray” klubu futbolçusu Didye Droqbaya bir illik müqavilə təklif edib.
Korner.az-ın Türkiyə mətbuatına istinadən yaydığı xəbərə görə, ancaq fildişi sahilli futbolçu bu təklifi müsbət cavablandırmayıb.
O, sözləşməsinin daha iki il uzadılmasını istəyib. Bundan başqa, Droqba illik gəlirinin 3 milyon avrodan aşağı olmamasını da rəhbərliyə bildirib.
Qeyd edək ki, Droqbanın “Cim Bom”la müqaviləsi mövsümün sonu başa çatır.