“Qalatasaray” bu futbolçunu transfer edə bilər
23.07.2024 , 20:25
![](https://korner.az/wp-content/uploads/2024/07/IMG_2747.jpeg)
“Qalatasaray” yeni mövsüm üçün transfer çalışmalarını davam etdirir.
Korner.az xəbər verir ki, İstanbul təmsilçisi “Blekbern”də çıxış edən Sammie Şmodikslə maraqlanır.
Bu barədə İngiltərə mətbuatı məlumat yayıb. Xəbərdə, klubun futbolçu üçün hələlik təklif göndərmədiyi bildirilib.
Bundan başqa, Premyer Liqanın yeni komandası “İpsviç Taun” da 28 yaşlı Şmodikslə maraqlanır.
Hazırda bazar dəyəri 7 milyon avro olan oyunçunun klubu ilə müqaviləsi 2026-cı ilə qədərdir.
Ötən mövsüm “Blekbern”də 48 matçda iştirak edən Sammie 33 qol vurub və 4 məhsuldar ötürmə edib.
![](https://korner.az/wp-content/uploads/2018/06/korner-logo.png)