“Qəbələ” Futbol Klubu II Qəbələ Kubokunun hazırlıqlarına start verib.
Korner.az-ın klubun saytına istinadən yaydığı xəbərə görə, 15 yaşa qədər futbolçulardan ibarət komandalar arasında keçiriləcək turnir 2013-cü ilin 28 may – 4 iyun tarixlərində Qəbələdə baş tutacaq .
Avropanın öndə gedən klublarının iştirakı ilə gerçəkləşəcək II Qəbələ Kubokunun təşkilatı işlərinə artıq başlanıb. Turnirin loqosu hazırlanaraq təsdiqlənib. Loqoda futbol rəmzi olan buts və Qəbələnin rəmzi olan dağların kontrastı öz əksini tapıb. Bundan əlavə bir sıra məşhur Avropa klubuna dəvət göndərilib. Yaxın vaxtlarda turnir iştirakçılarının dəqiq siyahısı müəyyənləşdiriləcək.
Xatırladaq ki, ilk turnir 30 may – 4 iyun 2012-ci il tarixlərində “Vilyarreal”, “Levante” (hər ikisi İspaniya), “Qalatasaray” (Türkiyə), “Feyenoord” (Hollandiya), “Bröndbü” (Danimarka), Serbiya yığma komandasının iştirakı ilə baş tutmuşdu. I Qəbələ Kubokunda Azərbaycan “Qarabağ” və “Qəbələ” ilə təmsil olunmuşdu.
