Qadze 100-ü yarıladı
10.02.2020 , 16:37
Azərbaycan Premyer Liqasının 16-cı turu “Zirə”nin futbolçusu Riçard Qadze üçün yubileylə əlamətdar olub.
Korner.az xəbər verir ki, qanalı hücumçu “qartallar”ın heyətində 50-ci oyununu keçirib. Bu, “Sumqayıt”la səfər matçına (1:2) təsadüf edib.
Qadze “Zirə”nin tarixinə 50 və daha çox oyun keçirən 15-ci futbolçudu. O, Premyer Liqada 42, UEFA Avropa Liqası və Azərbaycan kubokunun hərəsində 4 görüşə çıxıb. “100”ü yarılayan forvardın hesabında 15 qol var. O, 2016/17 mövsümündə 11, 2017/18 mövsümündə 29, cari mövsümdə 10 matçın iştirakçısı olub.
Qeyd edək ki, Riçardın “Zirə”də ilk oyunu 2017-ci il fevralın 2-də baş tutub. O, Premyer Liqanın “Qarabağ”la səfər matçının (0:2) ikinci hissəsində meydanda olub.
