“Mən sonuncu dəfə Petrjela ilə nə vaxt danışdığımı yadıma sala bilmirəm. Belə əsassız xəbərlərə münasibət bildirmək gulməlidi”.
Bu sözləri Korner.az-da yayılan xəbərdə mövsümün sonunda Vlastimil Petrjelanın “Qəbələ”yə baş məşqçi gətirilməsində vasitəçi olacağı iddia edilən Səbuhi Səfiyarlı deyib.
Klub meneceri bildirib ki, çex çalışdırıcının Azərbaycanda işləməsi mümkün deyil: “Son dovrlər «Qəbələ»yə, burda çalışanlara şər atmaq kimə lazımdı, bilmirəm. Belə mənasız söz-söhbətləri yayanlar ancaq şərəfsiz insanlardi. Jurnalistlərdən ona görə inciyirəm ki, istinadsız, dedi-qoduya əsaslanan xəbərləri mətbuata çıxarmaqla belə insanların aranı qarışdırmaq, kimlərəsə şər atmaq məqsədlərinə özləri də bilmədən dəstək verirlər. Mən bilirəm ki, Petrjela ilə danışan, onu burda klubda işə düzəltməyə söz verən insanlar var. Amma mən onunla çalışmış adam kimi əminəm ki, Petrjelanın səviyyəsi və vəziyəti artıq Azərbaycanda işləməsinə imkan vermir”.