“Qəbələ”nin futbolçuları məktəblilərlə görüşdü
23.02.2019 , 11:55
Ötən gün Qəbələ rayonu Həmzəlli kənd tam orta məktəbdə “Qəbələ” klubunun media və marketinq departamentinin rəhbəri Səməd Nəsibov, cüdo idman növü üzrə Qəbələ bölməsinin baş məşqçisi Rail İsmayılov, boks idman növü üzrə baş məşqçi Ramiz Mirkamilov, fəal azarkeş Nəriman Mahmudzadə, futbolçular – Stiven Monroz və Bəhlul Mustafazadənin iştirakı ilə şagirdlərlə görüş keçirilib.
Görüş zamanı çıxış edən Səməd Nəsibov, Rail İsmayılov, Stiven Monroz və Bəhlul Mustafazadə məktəbliləri komandanın yanında olmağa, onu dəstəkləməyə çağırıblar.
Ardınca şagirdlər arasında klub barədə suallardan təşkil olunmuş müsabiqə keçirilib. Müsabiqənin qaliblərinə Stiven Monroz və Bəhlul Mustafazadənin imzalı forması və digər hədiyyələr təqdim olunub.
