“Qəbələ”də iki yeni müqavilə
15.06.2023 , 11:15
“Qəbələ” daha iki futbolçusu ilə müqaviləni yeniləyib.
Korner.az klubun rəsmi saytına istinadla xəbər verir ki, Ülvi İsgəndərov və Kristof Atanqana növbəti iki mövsümdə də “qırmızı-qara” formanı geyinəcək. Onlarla müqavilələrin müddəti 2025-ci ilin yayına qədər artırılıb.
İsgəndərov əyalət təmsilçisinin heyətində 114 oyun keçirib. Onun hesabında 19 qol var. Atanqana isə “qırmızı-qara” forma ilə 15 matça çıxıb.
“Qəbələ” daha əvvəl İlkin Qırtımov, Urfan Abbasov, Murad Musayev və Emil Səfərovla müqavilənin müddətini uzadıb.
