Premyer Liqanın ilk altılığında mübarizə aparan "Bakı" və "Qəbələ" mövsümü titulsuz bitirəcək.
Korner.az-ın məlumatına görə, paytxt klubu 5-ci pillədə qərarlaşıb və aktivində 35 xal var. "Zolaqlılar"qarşıdakı 5 turda qələbə qazansa və "İnter" bütün oyunlarda məğlub olsa, iki paytaxt klubunun xalları bərabərləşəcək. Amma "bankirlər" şəxsi oyunlarda rəqibini üstələyir. Bu səbəbdən "Bakı" medal şanslarını artıq itirib.
"Qəbələ" dünən Bakıda "Neftçi"yə 2:1 hesabı ilə yenilib. Hazırda aktivində 34 xal olan komanda 6-cı pillədə qərarlaşıb və 3-cü yerdəki "İnter"dən 16 xal geri qalır. Mövsümün sonuna 5 tur qaldığından bu fərqin aradan qalxması mümkün deyil. Komanda mövsümü ən yaxşı halda 4-cü pillədə başa vura bilər.
