Mayda təşkil olunacaq II Beynəlxalq Qəbələ Kubokunda iştirakçılar arasında yer alacaq “Qəbələ”nin 15 yaşa qədər futbolçulardan ibarət komandası Moldovaya yollanır.
Korner.az-ın məlumatına görə, Hüseynqulu Quliyevin yetirmələri martın 11-dən 17-dək Tiraspol şəhərində keçiriləcək beynəlxalq turnirdə mübarizə aparacaq.
“Qəbələ” kubok uğrunda mübarizədə “Şerif” (Moldova), “Zirka”, Uşaq Gənclər İdman Məktəbi , “Sevastopol” (hamısı Ukrayna), “Şinnik” və “Mordaviya” (hər ikisi Rusiya) kollektivləri ilə münasibətlərinə aydınlıq gətirəcək. U-15 Moldovaya aşağıdakı futbolçu heyəti ilə yollanacaq:
Qapıçılar: Süleyman Süleymanov, Toğrul Məmmədbəyli
Müdafiəçilər: Amin Seydiyev, Əzəmət Ələkbərli, Elvin Dəmirov, Sahil Zeynalov, Aqşin Hüseynov
Yarımmüdafiəçilər: Hacıağa Hacılı, Baxşəli Baxşəliyev, Turan Manafov, Fərid Nəbiyev, Əhməd Mirzəyev, Elvin Həsənov, Rövlan Muradov
Hücumçular: Azər İsmayılov, Kənan Rəfiyev, Nurlan Quliyev, Coşqun Süleymanov
