"Qəbələ"nin 14 yaşınadək futbolçulardan təşkil olunmuş komandası sentyabrın 18-dən 23-dək İspaniyanın paytaxtı Madriddə təşkil olunacaq beynəlxalq turnirdə iştirak edəcək.
Korner.az-ın klubun rəsmi saytına istinadə verdiyi məlumata görə, turnir məşhur portuqaliyalı mütəxəssis Joze Mourinyonun adını daşıyır.
Təmsilçimiz bu turnirdə Madrid "Real"ında oynayan həmyaşıdları ilə də qarşılaşacaq. Komandamızın qrupundakı digər rəqibləri isə aşağıdakılardır.
Los Anceles Akademiyası (ABŞ)
"Akademika Koimbra" (Portuqaliya)
"Jef Yunayted" (Yaponiya)
"İFK Stoksund" (İsveç)