Azərbaycan Premyer Liqasının XXX turu çərçivəsində aprelin 17-də Bakıda “Neftçi” ilə qarşılaşacaq “Qəbələ” matçın hazırlıqlarını davam etdirir.
Korner.az klubun saytına istinadən xəbər verir ki, “Simurq”la aprelin 9-da keçirilən XXIX turun oyunundan sonra 2 günlük istirahət edən komanda ardından bərpa etdiyi hazırlıqlarına dünən Qəbələdə start verib. Zədə səbəbindən bir müddət hazırlıqlardan kənar qalan Dodo istisna olmaqla, bütün futbolçular iki gündür davam edən çalışmalarda iştirak edib. Roman Qriqorçukun futbolçuları aprelin 16-da paytaxta yollanacaq. “Qırmızı-qaralar”ın oyun öncəsi son məşqinin Bakıda baş tutması planlaşdırılıb.
Qeyd edək ki, “Neftçi” ilə Bakıdakı qarşılaşma “Bakcell Arena” stadionunda keçiriləcək.
