“Qəbələ” klubu daha bir futbolçu ilə heyətini gücləndirib.
Korner.az-ın klubun rəsmi saytına istinadən verdiyi məlumata görə, Bolqarıstanın “Çernomorets” klubunda top qovan braziliyalı yarımmüdafiəçi Lorival Rodriges Assis ilə 3 illik müqavilə imzalanıb.
Peşəkar karyerasına Braziliyada “İrati” klubunda start verən Assis daha sonra ölkəsində “Gremio Barueri”, “Sertaozinyo”, “Sao Seatano”, “CRB”, “Avai”, “Amerika”, “Botofoqo” kimi komandalarda top qovub.
Yarımmüdafiəçi Bolqarıstana keçidinə qədər 2009-cu ildə İsveçin “Kalmar” klubunda legioner həyatı yaşayıb. Assis ötən mövsümü keçirdiyi Burqas təmsilçisində 25 oyunda 10 qol vurub.
