İyulun 23-ü baş tutan “Qəbələ”-“Gənclərbirliyi” (3:1) sınaq matçından sonra Yuri Syomin komandasına birgünlük istirahət verib.
Korner.az-ın Qəbələ təmsilçisinin saytına istinadən məlumatına görə, istirahəti yoxlama oyununun baş tutduğu Almaniyanın Münhen şəhərində keçirən “Qəbələ” günün ikinci yarısında “Allianz Arena”ya yollanıb.
Bu dəfə tamaşaçı qismində yer alan “qırmızı-qaralar” “Bavariya” (Almaniya) – “Barselona” (İspaniya) yoxlama matçını izləyiblər. Qarşılaşma meydan sahiblərinin 2:0 hesablı qalibiyyəti ilə tamamlanıb.