“Qəbələ” AFFA İntizam Komitəsinin qərarından narazı qalıb.
Korner.az-ın məlumatına görə, bölgə klubu Elnur Allahverdiyevlə bağlı Apellyasiya və Ekspert Komitəsinə müraciət edib.
İntizam Komitəsi “Xəzər Lənkəran”la oyunda baş hakim Rəhim Həsənovu təhqir edən “Qəbələ”nin futbolçusunu 5 oyun cəzalandırıb, klubu 10 min manat cərimə edib. Özü də cəza Premyer Liqaya şamil edilib. Yəni Elnur ən yaxşı halda cari mövsümün son turunda meydana çıxa biləcək.
“Qəbələ” isə qərarın çempionata şamil edilməsinin əleyhinədi. Bu səbəbdən klub apellyasiya şikayəti verib.
