Elvin Məmmədov yayda klubunu dəyişə bilər. “Bakı”da çıxış edən yarımmüdafiəçinin mövsümün sonunda klubla müqaviləsi başa çatacaq.
Korner.az-ın məlumatına görə, “Bakı” hələ Elvinə yeni müqavilə təklif etməyib. Futbolçu özü də gözləmə mövqeyi tutur. Tərəflər yeni müqavilə məsələsində razılığa gəlməsə, Elvin özünə yeni klub axtarmalı olacaq.
Qeyd edək ki, Elvin 2011-ci ildən “Bakı”da çıxış edir. Milli komandada 29 oyun keçirib 7 qola imza atan futbolçu əvvəllər “Turan”, “İnter” və “Qarabağ”ın formasını geyinib.