“Qəbələ” 3 yoxlama oyunu keçirəcək
27.12.2021 , 16:28
“Qəbələ”nin qış fasiləsindəki hazırlıq planı müəyyənləşib.
Korner.az xəbər verir ki, “qırmızı-qaralar” 2021/22 mövsümünün ikinci yarısının hazırlığına yanvarın 6-da start verəcək. Elmar Baxşıyevin komandası bu mərhələdə məşqlərini Bakıda gerçəkləşdirəcək. Bakı toplanışı zamanı yoxlama oyununun keçirilməsi nəzərdə tutulmayıb.
“Qəbələ” yanvarın 15-də Türkiyənin Antalya şəhərinə yollanacaq. Ayın 25-dək davam edəcək hazırlıq prosesində 3 yoxlama matçı olacaq. Bu qarşılaşmalar yanvarın 17-də, 20-də və 24-də keçiriləcək. Komandanın üz-üzə gələcəyi rəqiblər hələlik dəqiqləşməyib.
