İspaniya millisinin və "Barselona"nın müdafiəçisi Karles Puyol bu gün Çempionlar Liqasının 1/8 final mərhələsinin ilk oyunu çərçivəsində səfərdə qarşılaşacaqları "Milan"la oyundan öncə maraqlı açıqlamalar verib.
Korner.az-ın məlumatına görə, təcrübəli müdafiəçi "Milan"a azarkeşlik etdiyini gizlətməyib:
“Bugünkü qarşılaşmanın favoritinin hansı klub olmasını demək düzgün olmazdı. “Milan” indi çox yaxşı vəziyyətdədir. Güclü heyətə malikdir, El Şəravi isə əla formadadır. “Milan” klubuna hər zaman azarkeşlik etmişəm. Hər dəfə də istəmişəm ki, “Milan” qalib gəlsin, amma bu gün istisnadır”.
