Premyer Liqanın VII turundan təxirə salınan “İnter” – “Neftçi” matçı meydan sahiblərinin gürcüstanlı qapıçısı Georgi Lomaya üçün uğursuz alınıb.
Korner.az-ın məlumatına görə, meydana çıxdığı son 6 qarşılaşmada qapısını toxunulmaz saxlayan "bankirlər"in qapıçısı matçın 11-ci dəqiqəsində qol üzüntüsü yaşayıb. Lomayanı çempionatın ən məhsuldar futbolçusu Nikolas Kanales dayandırıb. Bununla da qapıçının quru seriyası 636-cı dəqiqədə qırılıb. O, sonuncu dəfə XI turun “Kəpəz”lə matçında qol buraxmışdı.
Beynəlxalq Futbol Tarixi və Statistikaları Federasiyasının (İFFHS) qeydə aldığı dünyanın ən uzun quru seriyalarının sırasına düşmək üçün Lomayaya cəmi 24 dəqiqə çatmadı. Həmin siyahıya düşmək üçün 660 quru dəqiqə keçirmək lazımdır.
Əvəzində klub tarixinin rekorduna imza atan Lomaya həm də mövsümün ən uzun quru seriyasının müəllifidir. Mövsümün 4 ən uzun quru seriyasından ikisi ona məxsusdur.
1. Georgi Lomaya (“İnter”) – 636
2. Georgi Lomaya (“İnter”) – 561
3. David Petrzkieviç (“Simurq”) – 380
4. Cahangir Həsənzadə (AZAL) – 346
