Premyer Liqanın XXIV turunun 5 matçında qapılara 8 qol vurulub.
Korner.az-ın məlumatına görə, bu hər oyuna orta hesabla 1,6 top deməkdi.
Ən çox qol “Neftçi” – “Qarabağ” matçında qeydə alınıb. Azərbaycan derbisində “Qarabağ”ın futbolçuları 4 dəfə fərqlənib, “Neftçi” isə bir dəfə rəqibi meydanın mərkəzinə dəvət edib. “Xəzər Lənkəran” – “İnter” qarşılaşmasında 2 (1:1), “Rəvan” – AZAL matçında 1 (1:0) qol vurulub. “Simurq” – “Rəvan” və “Bakı” – “Sumqayıt” oyunlarında hesab açılmayıb – 0:0.
Ümumilikdə 24 turun 120 oyununda qapılara 286 qol vurulub ki, bu da hər matça orta hesabla 2,38 top deməkdi. Ən çox qol XII turda qeydə alınıb – 22 (orta hesabla 4.4). VIII turun qarşılaşmalarında isə cəmi 2 qol vurulub (orta hesabla 0.4).