UEFA prezidenti Mişel Platini Fransa millisinin yarımmüdafiəçisi Frank Riberinin mundialdan kənarda qalmasına münasibət bildirib.
Korner.az-ın məlumatına görə, qurumun prezidenti Riberinin yoxluğunun Fransa millisinə ağır zərbə olduğunu deyib:
“Bu, Fransa yığması üçün böyük itkidir. Əsl zərbədir. Riberi milli komanda üçün çox vacib oyunçudur. Avropanın da aparıcı futbolçularından biridir. O, dünya çempionatında yığma üçün həlledici rol oynaya bilərdi. Riberi olmasa belə, mundial hələ Fransa üçün başa çatmayıb”.