Peşəkar Futbol Liqası və Topazın birgə layihəsi kimi jurnalistlərin bölgələrdə keçirilən oyunları işıqlandırması üçün şərait yaradılır. Jurnalistlərin bütün səfər xərclərini üzərinə götürən bu iki qurum eyni zamanda, onlar arasında müsabiqə də təşkil edir.
Belə ki, həmin oyunun nəticəsini düzgün tapan jurnalist 1000 manat dəyərində uduşa sahib çıxır. Nəticəni bir neçə nəfər düzgün taparsa, mükafat fondu qaliblər arasında bölünür.
Topaz Premyer Liqasının XIII turunda keçirilən “Xəzər Lənkəran” – “Neftçi” (0-2) görüşünün nəticəsini isə bir nəfər – korner.az saytının əməkdaşı İlkin Məmmədov düzgün müəyyənləşdirib.
Qalib bu gün Peşəkar Futbol Liqasına gələrək, mükafatına yiyələnib. Qalib üçün nəzərdə tutulan mükafatı ona Peşəkar Futbol Liqasının Mətbuat və İctimaiyyətlə Əlaqələr Departamentinin rəhbəri Aslan Şahgəldiyev təqdim edərək, səbəbkara gələcək karyerasında uğurlar arzulayıb.
Xatırladaq ki, Topaz Azərbaycanda ilk və tək qanuni mərc oyunudur.