PFL bu klubun müraciətinə müsbət baxdı
21.11.2023 , 14:32
Bu mövsümdən etibarən Azərbaycan 1-ci liqasında çıxış edən “Difai Ağsu” klubu Peşəkar Futbol Liqasına müraciət ünvanlayıb.
Korner.az PFL-in saytına istinadən xəbər verir ki, müraciətdə Ağsu şəhər stadionunda aparılan təmir işləri ilə əlaqədar komandanın ev oyunlarının Şamaxı şəhər stadionunda keçirilməsinə icazə verilməsi xahiş edilib.
Müraciətə cavab olaraq, Peşəkar Futbol Liqası təmir işləri yekunlaşanadək “Difai Ağsu” klubunun Şamaxı şəhər stadionunda çıxış etməsinə qərar verib.
