“Ausburq”un qapıçısı Marvin Xits “Köln”lə oyunda meydançaya vurduğu zərər səbəbilə 122.92 avro ödəməli olacaq.
Korner.az-ın məlumatına görə, Xits “Köln”ün hücumçusu Antoni Modest penalti zərbəsini yerinə yetirməzdən əvvəl meydançanın 11 metrlik cərimə zərbəsi vurulan hissəsini butslarıyla dağıdıb.
Nəticədə Modest penalti vurarkən sürüşüb və zərbəsi də dəqiq olmayıb. “Köln” klubu isə rəqib qapıçıya vurduğu zərərə görə 122.92 avro həcmində cərimə qəbzi göndərib. Xits cəriməni ödəməyə razı olub. “Köln” qolkiperin ödəyəcəyi pulu xeyriyyə işlərinə xərcləyəcək.