Paytaxt klubunda zədə şoku: iki əsas futbolçu sıradan çıxıb

Fransa Liqasının 31-ci turunda səfərdə “Marsel”ə 3:2 hesabı ilə qalib gələn PSJ ciddi itkiylə üzləşib.

Korner.az-ın məlumatına görə, Paris təmsilçisinin iki futbolçusu – David Luis və Tiaqo Motta zədələnərək sıradan çıxıb.

Əzələsini dartan hər iki futbolçunun durumunun ciddi olduğu bildirilir. “Hər iki futbolçunun zədələnməsi bizim üçün ciddi problemdir. Ancaq hələlik dəqiq bir söz söyləmək olmaz. Hər şeyə tibbi müayinədən sonra aydınlıq gələcək” – deyə PSJ-nin baş məşqçisi Loran Blan bildirib.