“Rəvan” Premyer Liqanın XXIX turunda “Sumqayıt”ın qonağı olacaq.
Korner.az-ın klubun rəsmi saytına istinadən verdiyi məlumata görə, paytaxt klubu oyuna hazırlığı elə matçın keçiriləcəyi “Bayıl Arena”da davam etdirir.
Gündə 1 dəfə olmaqla məşq edən komandada əsas diqqət toplu çalışmalara yönəldilir. Amma fiziki hazırlıq və qapıya zərbələr də yaddan çıxmır. Dünən baş tutan hazırlıqda futbolçular “kvadrat” oynamaqla təzyiq altında topu özündə saxlamaq üzərində xüsusi çalışıb.
Məşqdə Nikolay Orlovskidən başqa, hamı iştirak edib. Moldovalı müdafiəçi zədəlidi və fərdi qaydada məşq edir. Onun “Sumqayıt”la görüşdə iştirakı da sual altındadı.
