Topaz
Premyer Liqasının 18-ci turunda “Simurq” Bakıda “Rəvan”ın qonağı oldu. Rəqibini
ilk hissədə vurduğu üç qolla məğlub edən Zaqatala təmsilçisi xal ehtiyatını
25-ə çatdırdı .
Korner.az-ın
məlumatına görə, matçdan sonra təşkil olunan mətbuat konfransında qonaq
komandanın baş məşqçisi Giorge Çixaradze komandasına mövsümün ilk yarısı üçün
təşəkkür edib:eydan sahiblərinin baş məşqçisi komandasının oyunu haqqında
danışmaq istəmədiyini bildirib:
“Komandamın
oyunu haqqında nəsə demək çətindir. Futbol adına heç nə olmadı, “Simurq”
layiqli qələbə qazandı. Komanda verilən tapşırıqları yerinə yetirmədi.
Acınacaqlı haldayıq. Qış fasiləsində mütləq güclənməlyik. Hər bir mövqedə
oyunçuya ehtiyac var. Bu heyətlə ciddi uğura nail olmaq olmaz. Komanda uğur
qazanmaq istəyirsə irəli baxmalıdır. Artıq qış planımız hazırdır. Yanvarın 5-də
Bakıda toplaşıb, 8 günlük hazırlıqdan sonra Antalyaya yollanacağıq. Türkiyədə 4
yoxlama oyunu keçirəcəyik. Bugünkü oyun zəif nöqtələrimizi tam göstərdi. 6-7
mövqeyə yeni oyunçular transfer olunmalıdır. Komandanın heyətində dəyişikliklər
qaçılmazdır. “Simurq” hər bir cəhətdən bizdən üstün oynadı. Uduzmağı bacarmaq
lazımdır. Hakimlərin qərarını müzakirə etmək istəmirəm. Bəla bizim komandanın
oyunundadır. Komandam, sanki, donmuş futbolçulardan ibarətdir. Oyunumuzda nə
fikir, nə də hərəkət var idi”.
