“Oynamağa şans versə, özümü göstərməyə hazıram” – Ruslan Abışov
18.04.2022 , 14:29
“Oynamaqla bağlı məsələ baş məşqçinin qərarıdır. Oynamağa şans versə, özümü göstərməyə hazıram”.
Korner.az-ın məlumatına görə, bu sözləri “Zirə”nin futbolçusu Ruslan Abışov deyib.
O, karyerası ilə bağlı mövsümün sonunda qərar verəcəyini bildirib: “Özümdə güc hiss edirəm. Hələ karyeramı bitirmək barədə düşünmürəm, oynamaq istəyirəm. Gələcəklə bağlı mövsümün sonunu gözləmək lazımdır. Bizdə deyim var ki, 33-34 yaşa gələn futbolçu karyerasını bitirməlidir. Ancaq mən bu fikirlə razı deyiləm”.
Qeyd edək ki, 2021-ci ilin yayından “Zirə”də çıxış edən millimizin sabiq üzvü meydana çox az çıxır.
