Bu gün AFFA-nın İntizam Komitəsi ötən həftə keçirilən oyunlara hüquqi qiymət verib.
Korner.az-ın məlumatına görə, İK “Xəzər Lənkəran”ın qapıçısı Orxan Sadıqlını 1 oyunluq cəzalandırıb.
Topaz Premyer Liqasının II turunun “Xəzər Lənkəran” – “Sumqayıt” matçının 38-ci dəqiqəsində “Xəzər Lənkəran” klubunun 1 nömrəli futbolçusu Orxan Sadıqlı sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).
Əvəzedici heyətlərin II turunun “Xəzər Lənkəran” – “Sumqayıt” matçının 79-cu dəqiqəsində “Sumqayıt” klubunun baş məşqçisi Samir Abasov hakimləri təhqir etdiyinə görə meydandan kənarlaşdırıldığı üçün 5 oyunluq cəzalanır, klub 2500 manat cərimə olunur (maddə 42.4).
Əvəzedici heyətlərin II turunun “Simurq” – AZAL matçında “Simurq” klubunun 5 futbolçusu sarı vərəqə ilə cəzalandığı üçün klub 500 manat cərimə olunur (maddə 40).
Əvəzedici heyətlərin II turunun “Qəbələ” – “Araz Naxçıvan” matçının 90+1-ci dəqiqəsində “Qəbələ” klubunun 10 №-li futbolçusu Luis Paulo Hilario rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 1000 manat cərimə olunur (maddə 42.1)