“Xəzər Lənkəran”ın qapıçısı Orxan Sadıqlının Korner.az saytına müsahibəsi.
– “Makkabi”yə 0:8 hesabı ilə darmadağın oldunuz. Nə baş verdi?
Özünüz də oyunda idiz. Nə baş verdiyini mən anlamırdım. Oyunda sonra ayıldım. 0:8 hesabı ilə uduzmaq faciə idi. Elə bil yuxuda idim. Allah bundan sonra nə bizə, nə də ki, Azərbaycan xalqına belə bir rüsvayçılqı yaşatmasın.
– Hayfada 0:2 hesablı yenilginin ardından, bu hesabı kimsə evdə gözləmirdi. Ancaq komanda oynamadı, gəzdi.
Səfərdə 0:2 hesabı ilə məğlub olmağımıza baxmayaraq öz meydanımızda bu yenilginin əvəzini çıxa biləcəyimizi düşünürdüm. Şanlasrımız da azacıq da olsa var idi. Bu nəticəni isə heç gözləmirdim.
– Bu bərbad oyun idi, yoxsa “torba”?
Kiməsə “torba” tikən kişi olmaz. Kiminsə çörəyini əlindən almaq böyük günahdı. Hərə öz işini kişi kimi görməlidi. İnanmıram kimsə “Xəzər Lənkəran”da “torba” tiksin. Bu “torba” yox, bərbad oyun idi.
– Ancaq Toşak mətbuat konfransında elə bunun “torba” olduğunu bildirmişdi.
Mənim ağlıma belə şeylər gəlməz. Əgər Toşak deyirsə, nə isə bilir.
– Toşak mətbuat konfransında belə bir fikir səsləndirdi ki, ola bilsin bəzi futbolçular onun istefasına sevinsin. Sən nə düşünürsən, bu ola bilərmi?
Mən hansısa futbolçunun nə düşündüyünü və nəyə sevindiyini bilmirəm. Ancaq inanmıram kimsə Toşakın getməyini istəyər.
– 0:8-dən sonra futbolçularla hər hansı bir dialoqun, danışığın olubmu?
Olub. Hamı məyusdu, heç kim bu nəticəni gözləmirdi.
– Bəs komandafdan uzaqlaşdırılan futbolçularla necə?
Doblas və Pitlə danışmışam. Onlarda məyusdular. Bunu gözləmirdilər. Onlar da nə baş verdiyini anlaya bilmədiklərini dedilər.
– Onlar günahkar qismində komandadan uzaqlaşdırılıblar…
Qovulmaq hər komandada ola bilər. “Neftçi”də də, “İnter”də də…
– Bu cür faciədən sonra niyə azarkeşlərdən üzr istəməmisiz? Fikirincə lənkəranlı fanatlar sizi bağışlayacaq?
Mən bütün “Xəzər Lənkəran” azarkeşlərindən üzr istəyirəm. Onları başa düşürəm haqlıdırlar. Ancaq həmin gün stadiona gələn azarkeşlərdən bir şeyi gözləməzdim. “Neftçi” deyə qışqırırdılar. Bu onlara yaraşmaz. Mən həmin gün iki şeyə görə yata bilmədim. Bir bərbad oyun, ikincisi isə azarkeşlərin “Neftçi” qışqırması.
– Onlar Rednik deyə qışqırırdılar…
Mən “Neftçi” eşitdim. Düz yanımda hətta qışqıranlar oldu. Bundan başqa digər futbolçular da eşidib.
– Bu rüsvayçılıqdan sonra Toşak və ya rəhbərlik sizə nə deyib?
Biz hansı üzlə rəhbərliyin qarşısına çıxaq? Toşaka karyerasında görmədiyi nəticəni yaşatdıq. Özümüz bunu başa düşməliyik.
Səxavət QURBANOV
