"Xəzər Lənkəran" "Sumqayıt"la oyun üçün hazırlıqlarını davam etdirir.
Korner.az-ın məlumatına görə, "ağ-yaşıllar" dünən olduğu kimi bugün də 50 dəqiqəlik ikitərəfli oyunda qüvvəsini sınayıb.
Əvəzedici heyətin bəzi futbolçularının da qatıldığı oyunda əsas heyət gözü ilə baxılan komanda 3:0 hesabı ilə qalib gəlib.
Duqlas Leyte ilk olaraq Nildonun penalti zərbəsini dəf etməyi bacarsa da, sonrakı dəqiqələrdə braziliyalı forvard Leyteni məyus etməyi bacarıb. Mərakeşli futbolçu Zoahirin aşırma vuruşu isə gözəl alınıb. Son dəqiqələrdə Tounkara fərqlənməklə ikitərəfli oyunda son nöqtəni qoyub.
Bu gün Lənkəranı tərk edən “Xəzər Lənkəran” “Sumqayıt”la səfər oyunu üçün Bakıya yola düşüb. Komanda bu oyuna qədər paytaxtda məskunlaşacaq.