Paytaxtın “Neftçi” klubu yay fasiləsində bu gün ilk transferini gerçəkləşdirə bilər.
Korner.az-ın məlumatına görə,bu barədə Qol.Az saytına klubun vitse-prezidenti Tahir Süleymanov məlumat verib. Onun sözlərinə görə, klub hazırda braziliyalı dayaq yarımmüdafiəçisi Kaue Sesilio Da Silvanı tibbi baxışdan keçirir.
“Səhər saatlarından Kaue Bakıdadır. O, hazırda tibbi baxışdan keçir. Artıq bütün məsələlər tənzimlənib. Tibbi baxışdan uğurla keçsə, futbolçu ilə iki illik müqavilə imzalayacağıq” – deyə o bildirib.