“Rəvan”ı məğlub etdiyimiz, ümumiyyətlə, ardıcıl ikinci qələbəmizi qazandığımız üçün sevinirəm. Amma təəssüf ki, vurduğum təmiz qol hesaba alınmadı”.
Korner.az-ın məlumatına görə, bu sözləri “Neftçi”nin yarımmüdafiəçisi Emin Mehtiyev klubun saytına açıqlamasında deyib.
Mehtiyev “Rəvan”la oyunda vurduğu qolun hesaba alınmamasına görə baş hakimi qınayıb: “AZAL-la ilk tur oyununda da oxşar hal baş vermişdi. Həmin görüşdə Araz Abdullayevin ötürməsindən sonra Bahodir Nasimovun qolu qeydə alınmamışdı. Halbuki, Araz topu kənara çıxarmamış, yəni, qapı xəttinin üzərindən ötürmüşdü. Bu dəfə isə Ernest Nforun ötürməsindən sonra qol vursam da, hakim Flavinyonun oyundankənar vəziyyətdə olduğunu qeydə aldı. Həmin anda Flavinyonun zərbəyə müdaxiləsi yox idi. O, qapıçıya da zərbəni qaytarmağa mane olmurdu. Artıq iki turdur qollarımız qeydə alınmır. Düzdü, bu, yekun nəticəyə təsir etməyib. Lakin həmin qollar qeydə alınsaydı, hazırda məhz “Neftçi” top fərqinə görə turnir cədvəlində birinci yerdə qərarlaşmalıydı”.
