“Neftçi”nin futbolçusu əməliyyat olundu
16.08.2022 , 20:58
“Neftçi”nin futbolçusu Azər Salahlı 5-ci sağ ayaqdarağı sümüyünün qırığı diaqnozu ilə bu gün əməliyyat olunub.
Korner.az “ağ-qaralar”ın mətbuat xidmətinə istinadən xəbər verir ki, cərrahi əməliyyat klubun sağlamlıq sponsoru “Liv Bona Dea Hospital”ın xəstəxanalarından olan “Liv Hospital Vadistanbul”da uğurla həyata keçirilib. 28 yaşlı müdafiəçi təxminən 3 ay ərzində meydandan kənarda qalacaq.
UEFA Avropa Konfrans Liqasının III təsnifat mərhələsində avqustun 11-də keçirilmiş “Rapid” – “Neftçi” matçının ilk hissəsində zədələnərək əvəzlənən Salahlı “Liv Bona Dea Hospital”ın Bakıda yerləşən xəstəxanasında müayinədən keçmişdi. Nəticədə, onun sağ ayağında sınıq tapılmış və əməliyyat olunması ilə bağlı qərar verilmişdi.