“Neftçi”dən yeni layihə: “Sevindirdiyiniz Qədər Sevin”
31.10.2019 , 17:07
Sosial layihələrə hər zaman xüsusi önəm verən “Neftçi” daha bir layihəyə başlayıb. Klub dəstək xarakterli “Sevindirdiyiniz Qədər Sevin” layihəsinə start verib.
Korner.az xəbər verir ki, layihə çərçivəsində baş məşqçisi Roberto Bordin və futbolçular – Emin Mahmudov, Rəhman Hacıyev, Mamadu Mbodj, Anton Krivotsyuk və Ömər Buludov Talassemiya Mərkəzində olublar.
Komandanın üzvləri talassemiya xəstəliyindən müalicə olunan uşaqlara baş çəkib, onlarla söhbət ediblər. Uşaqlara müxtəlif hədiyyələr verilib.
Azərbaycanda 1 milyondan çox talassemiya daşıyıcısı və bu xəstəlikdən əziyyət çəkən minlərlə insan var. Ölkəmizdə bu problemlə məşğul olan Talassemiya Mərkəzi Heydər Əliyev Fondunun təşəbbüsü ilə inşa edilib və fəaliyyət göstərir.
