“Neftçi”də yeni baş məşqçi
30.08.2019 , 17:54
“Neftçi”nin U-17 komandasının baş məşqçisi vəzifəsinə Elman Sultanov təyin olunub.
Korner.az klubun saytına istinadən xəbər verir ki, 45 yaşlı mütəxəssislə 1 illik müqavilə bağlanıb. Baş məşqçinin köməkçisi vəzifəsini isə Elgiz Kərəmli yerinə yetirəcək.
Qeyd edək ki, futbolçu kimi 1994/1995-ci illər mövsümündə “Neftçi”nin şərəfini qorumuş Elman Sultanov baş məşqçi kimi “Səbail”in əsas və əvəzedici, “Keşlə”nin isə U-16 komandasını, həmçinin “Bakılı”nı çalışdırıb.
“Səbail”in əsas komandası ilə yüksək liqaya vəsiqə qazanmış Sultanov paytaxt təmsilçisinin əvəzedicilərinə çempionluq sevinci yaşadıb.