“Neftçi”də toplanışın 6-cı günü
09.01.2021 , 22:45
“Neftçi” təlim-məşq toplanışını gündə iki məşq olmaqla davam etdirir.
Korner.az xəbər verir ki, paytaxt təmsilçisinin üzvləri proqrama uyğun olaraq bu gün də iki məşqə çıxıblar.
“Türk Hava Yolları Futbol Mərkəzi”ndə keçirilən səhər məşqində əsasən fiziki, “Bakcell Arena”da baş tutan axşam məşqində isə toplu çalışmalar yerinə yetirilib.
Komanda toplanış zamanıiki yoxlama oyunu keçirəcək. “Neftçi” yanvarın 10-da saat 15:00-da “Türk Hava Yolları Futbol Mərkəzi”ndə “Kəpəz”, ayın 14-də saat 17:00-da isə “Bakcell Arena”da “Keşlə” ilə qarşılaşacaq. “Kəpəz”lə görüş “Neftçi TV”, “Keşlə” ilə matç isə “CBC Sport” vasitəsilə canlı yayımlanacaq.
